ՏԵՂԵԿԱՏՎԱԿԱՆ ՀԱՄԱԿԱՐԳԵՐԻ ԶԱՐԳԱՑՄԱՆ ԵՎ ՎԵՐԱՊԱՏՐԱՍՏՄԱՆ ԿԵՆՏՐՈՆ
 ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆ

«Տեղեկատվական համակարգերի զարգացման և վերապատրաստման կենտրոն» հասարակական կազմակերպությունը (ՏՀԶՎԿ) հիմնադրվել է 2000թ-ին: Դեռևս 1993թ-ից կազմակերպությունը գործել է որպես տեղեկատվական վերլուծական կենտրոն, իսկ 2001թ-ի փետրվարին գրանցվել է որպես հասարակական կազմակերպություն: Կազմակերպությունը գործունեություն է ծավալում Հայաստանի Հանրապետության ողջ տարածքում: 

ՀԿ-ի անդամները ՀՀ համայնքների ներկայացուցիչներ են, ովքեր ունեն տեղական ինքնակառավարման մարմիններում աշխատելու հարուստ փորձ և մասնակցել են  համայնքների զարգացման բազմաթիվ ծրագրերի իրականացմանը:

Կազմակերպության շահառուներն են տեղական ինքնակառավարման մարմինները, համայնքային ծառայողները, հասարակական կազմակերպությունների ներկայացուցիչները և այլն:

ՏՀԶՎԿ կողմից ստեղծված «Բնակչության ռեգիստր», «Գործավարություն», «Համայնքային գույքի կառավարման համակարգ», «Ավագանի», «Բյուջետավարման համակարգ», «Համայնքի էլ-կառավարման համակարգ» ծրագրային միջոցները ներդրվել են բազմաթիվ համայնքներում և հաջողությամբ կիրառվում են:

Վերջին տարիների ընթացքում կազմակերպությունը ՀՀ համայնքներում իրականացրել է կառավարման տեղեկատվական համակարգերի մշակման և ներդրման, ինչպես նաև քաղաքացիների սպասարկման գրասենյակների ստեղծմանը նպաստող աշխատանքներ: Ստեղծված համակարգերը շահագործելու նպատակով կազմակերպությունն ուսուցանել է մոտ 5400 մասնագետների:

ԱՌԱՔԵԼՈՒԹՅՈՒՆԸ

«ՏՀԶՎԿ»  ՀԿ-ն  նպաստում է ՀՀ-ում տեղեկատվական հասարակության ձևավորմանն  ու զարգացմանը, տեղական ինքնակառավարման և այլ մարմինների ժողովրդավար և արդյունավետ գործունեությանը` տեղեկատվական հաղորդակցական տեխնոլոգիաների կիրառման միջոցով: 


ԿԱԶՄԱԿԵՐՊՈՒԹՅԱՆ ՀԵՌԱՆԿԱՐԸ

ԶԱՐԳԱՑԱԾ ՏԵՂԵԿԱՏՎԱԿԱՆ ՀԱՍԱՐԱԿՈՒԹՅՈՒՆԸ^[1], ԷԼԵԿՏՐՈՆԱՅԻՆ ԿԱՌԱՎԱՐՈՒԹՅՈՒՆԸ^[2] ԵՎ  ԷԼԵԿՏՐՈՆԱՅԻՆ ԿԱՌԱՎԱՐՈՒՄԸ  21-ՐԴ ԴԱՐԻ ԺՈՂՈՎՐԴԱՎԱՐԱԿԱՆ ՀԱՍԱՐԱԿԱՐԳԻ ՀԻՄՔՆ ԵՆ

[1] Տեղեկատվական հասարակություն -  Հետարդյունաբերական հասարակության հայեցակարգ է, որտեղ արտադրության հիմնական արդյունքը գիտելիքն ու տեղեկատվությունն է: Տեղեկատվական հասարակությունում մարդիկ հնարավորություն ունեն բավարարելու իրենց տեղեկատվական ծառայություններ  ստանալու պահանջմունքը:
[2] Էլեկտրոնային կառավարություն – կառավարման համակարգ, որը հիմնված է տեղեկատվության էլեկտրոնային մշակման, փոխանցման և տարածման վրա:

Last upd. 01.08.2022